Vitund I

Í Vitund I sem samanstendur af 9 blómadropa flöskum,er unnið með persónuleikann.  Tilfinningar og hugsanamynstur eru færð yfir í jafnvægi og frjálsu flæði komið á í til- finningum, huga, orkulíkömum og orkustöðvum. Orkustöðvarnar eru utan efnislíkamans, einskonar orkumiðlunarhjól sem tengja saman alla eðlisþætti okkar og miðla orkunni á milli þeirra. Hver flaska af blómadropum tengist ákveðinni orkustöð og losa droparnir úr viðeigandi flösku spennu og hindranir úr orkustöðinni og koma á jafnvægi innan hennar, í orkubrautunum og þeim líffærum sem hún tengist. T.d. virka Gleðidroparnir á hjartastöðina, færa henni orku til að jafna flæðið þar og innan orkubrautanna sem tengjast henni. Þannig nær-ist hjartað sjálft og lækningarmáttur þess verður virkur. Við eigum einnig léttara með að sættast við lífið og sjá spaugilegu hliðarnar á okkur sjálfum og lífinu. Gleði og friður flæða inn. Vitund I samræmir orkuna á milli hins jarðneska, eteríska, tilfinningalega og huglæga í verund okkar og vitund.

Notkun
Blómadropa má nota á fjölbreyttan hátt eftir því hvort verið er að fást við yfirborðstilfinningar, djúpstæðar undirliggjandi tilfinningar eða makvissa djúpvinnu sem tengist öllum orkustöðvum. Lestu um það hvað hver blómadropaflaska gerir og þá munt þú sjá hvaða virkni á best við þig hverju sinni. Til að hafa áhrif á (tilfallandi) yfirborðstilfinningar hristir þú flöskuna, sem þú hefur valið, og lætur 3 dropa falla undir tunguna 4-8 sinnum á dag eða þar til þér líður betur. Þú getur notað 2-3 blómadropaflöskur í einu. Gættu þess að láta dropateljarann ekki komast í snertingu við munninn. Þessi aðferð hefur áhrif á yfirborðstilfinningar. Einnig er gott að setja blómadropa út í te, vatnsbrúsa eða baðvatn, svo eitthvað sé nefnt.  Í vatnskönnuna á matarborðið er gott að setja t.d. Gleði og Hlátur til að fá enn meiri gleði í samverustund fjölskyldunnar.

Djúpvinna
Til að vinna á djúpstæðum undirliggjandi tilfinningum færð þú þér 30ml flösku með dropateljara, telur 21 dropa í hana úr blómadropaflöskunni, sem þú hefur valið þér, og fyllir upp með vatni. Hristu vel. Því næst tekur þú inn 7 dropa í örlitlu af vatni tvisvar til þrisvar á dag uns 30ml  flaskan er kláruð.  Þessi aðferð nær að sækja og vinna út áföll frá fyrri tíð sem eru enn að hafa áhrif á líf þitt án þess að þú verðir þess endilega svo vör/var í daglega lífinu þínu.

Markviss djúpvinna
Einnig er hægt að vinna markvisst með Vitundar I kerfið. Þá er byrjað á Sjálfsöryggisflöskunni (virkar á neðstu orkustöðina), blandað úr henni í 30ml flösku og blandan tekin inn á sama hátt og greint er frá í djúpvinnunni. Því næst er hver flaskan á fætur annarri notuð þar til þú hefur klárað allar.  Þannig myndar þú jafnvægi í heildarverund þinni og orkuflæðið verður jafnt og þétt í öllum orkustöðvum og -kerfum. Þessu næst getur þú snúið þér að Vitund II og III á sama hátt. Sjá nánar um Vitund II og Vitund III í bæklingi sem fylgir þeim.

Hugleiðsla
Gott er að taka inn 21 dropa úr flösku af eigin vali í örlitlu vatni fyrir hugleiðslu. Þú gætir t.d. hugleitt á eiginleikana, sem jurtirnar standa fyrir, eða orkustöðina, sem þeir virka á. Einnig er gott að nudda 3 dropum á orku-stöðina.

Sjálfsöryggi
Þessi blanda styrkir jarðtengingu; veitir aukið sjálfsöryggi, sjálfstraust, kjark, tilfinningu fyrir velgengni og samkennd með náttúrunni. Sjálfsöryggi hjálpar okkur að birta í efninu þann raunveruleika sem okkur dreymir um. Gott að taka inn þegar þér finnst þú hafa misst fótana, ert óörugg/ur með þig, veist ekki hvað þú vilt, þegar þú átt erfitt með að taka ákvarðanir og þegar álit annarra skiptir þig of miklu máli. Er einnig góð við þunglyndi. Kemur á jafnvægi í rótarstöðinni.

Inniheldur tíðni eftirtalinna plantna:
Holtasóleyjar (Dryas octopetala), Rauðsmára (Trifolium pratense), Reynis (Sorbus aucu-paria), Sauðamergs (Loiseleuria procumbens) og Vallhumals (Achillea millefolium).

Slökun
Þessi blanda hjálpar okkur að sleppa takinu af fortíðinni og því sem hamlar vexti og þroska. Gömul hugsana- og hegðunarmynstur leysast upp. Blandan gefur djúpa slökun og hjálpar okkur að njóta andartaksins. Gott að taka inn þegar þú átt erfitt með að slaka á, njóta og gefa eftir í hendurnar á Guði. Kemur á jafnvægi í harastöðinni.

Inniheldur tíðni eftirtalinna plantna:
Baldursbrár (Matricaria maritima), Gráelris (Alnus incana), Gullmuru (Potentilla crantzii) og Túnfífils (Taraxacum officinale).

Lífsorka
Gefur kraft og lífsorku; eflir sköpunarorkuna og löngunina til að lifa, vaxa og gera það sem þarf hverju sinni; örvar skapandi hugsun og tilfinningar; kemur jafnvægi á kynorkuna um leið og innri fullnægja flæðir um kerfin. Gott að taka inn þegar þú ert þreytt/ur og orkulaus, þegar framkvæmdaorkan er ónóg,  þegar neikvæðar hugsanir fylla hugann eða þú hefur týnt þér í dagdraumum, lifir í fortíðinni, sérð eftir hlutum eða finnst þú vera fórnarlamb umhverfisins.
Kemur á jafnvægi í magastöðinni.

Inniheldur tíðni eftirtalinna plantna:
Geldingahnapps (Armeria maritima), Rifsberjarunna (Ribes rubrum), Þyrnirósar (Rosa pimpinellifolia) og lífrænt ræktaðrar Morgunfrúar (Calendulla officinalis).

Vilji og tilgangur
Þessi blanda eflir vilja okkar og hjálpar okkur að lifa í samræmi við hann. Hún hjálpar okkur að greina á milli þess hvenær það á við að standa fast á skoðun okkar og hvenær að gefa eftir. Blandan veitir okkur stuðning í leitinni að tilgangi lífsins og til að lifa hann til fulls. Gott að taka inn þegar þú skorast undan að bera ábyrgð á þér eða lífinu þínu, þarft að fá viðurkenningu frá öðrum eða hefur þörf fyrir að stjórna öðrum. Viljablandan er góð við fullkomnunaráráttu og ofurstolti. Kemur á jafnvægi í sólarplexus.

Inniheldur ölkelduvatn og tíðni eftirtalinna plantna:
Brenninetlu (Urtica dioeca), Burnirótar (Rhodiola rosea), Ljónslappa (Alchemilla alpina) og Sólberjarunna (Ribes nigrum).

Gleði og hlátur
Gleðiblandan veitir gleði og hlátri inn í hjarta okkar; veitir frið og sætti; eflir sjálfsást; og auðveldar okkur að þiggja gjafir annarra og lífsins sjálfs. Gott að taka inn þegar þú upplifir sorg, sektarkennd, höfnun og tilfinningalegan sársauka. Er góð við áföllum, hjartasárum og þegar þér finnst þú ekki vera "nóg/ur". Kemur á jafnvægi í hjartastöðinni.

Inniheldur tíðni eftirtalinna plantna:
Álms (Ulmus glabra), Evrópulerkis (Larix europaea), Hrafnaklukku (Cardamine nymanii), Skógarfuru (Pinus sylvestris) og lífrænt ræktaðrar Hjólkrónu (Borago officinalis).

Alheimskærleikur
Veitir aukið traust; opnar hjartað fyrir gegnumstreymi kærleikans; hjálpar okkur að fyrirgefa okkur sjálfum og öðrum, að finna að allir hlutir hafa sinn tilgang þótt við sjáum hann ekki alltaf sjálf; kemur á jafnvægi milli hins innra og hins ytra; og gerir okkur betur kleift að upplifa kærleika til alls sem er. Gott að taka inn við djúpstæðum sársauka sem tengist einstaklingum og hópum, t.d. niðurlægingu, vonleysi og svartnætti tilfinninganna. Kemur á jafnvægi í hjartastöð II.

Inniheldur tíðni eftirtalinna plantna:
Blóðbergs (Thymus praecox spp. arcticus), Gulmöðru (Galium verum), Maríustakks (Alchemilla vulgaris) og Undafífils (Hieracium spp).

Helg tjáning
Hjálpar okkur að tjá óhindrað hið sanna sjálf; veitir styrk til að vera fullkomlega heiðarleg/ur og einlæg/ur í allri framgöngu bæði við mann sjálfan og aðra; hjálparokkur að mynda rými til að tjá óhindrað og á nýjan hátt hver við erum, í samræmi við vilja og tilgang sálarinnar. Gott að taka inn þegar við eigum erfitt með að segja sannleikann. Tjáningarblandan er góð við þunglyndi einmannakennd, feimni og einangrunartilfinningu. Kemur á jafnvægi í hálsstöðinni.

Inniheldur tíðni eftirtalinna plantna:
Ljósbera (Lychnis alpina), Sigurskúfs (Epilobium angustifolium), Tófugrass (Cystopteris fragilis), og Vetrarblóms (Saxifraga oppositifolia).

Innsæi
Veitir traust og öryggi; tengir okkur við sálina og eflir innblástur frá henni; innsæi eykst og
sömuleiðis traust á innri visku; hjálpar okku að sjá hvað býr að baki hlutunum og innri tilgang lífsins. Gott að taka inn við svefnleysi, ótta, kvíða og skelfingu. Er góð fyrir þá sem sjá hlutina annaðhvort svarta eða hvíta eða rata ekki út úr blekkingarheimi hugans. Kemur á jafnvægi í ennisstöðinni.

Inniheldur tíðni eftirtalinna plantna:
Bláklukku (Campanula rotundifolia), Blæaspar (Populus tremula), Ilmbjarkar (Betula pubes cens), Mýrasóleyjar (Parnassia palustris) og lífrænt ræktaðs Klæðisblóms (Tagetes patula).

Skilningur
Þessi blanda veitir hugarró og orku inn í taugakerfið; dýpkar vitundina, skilningur eflist og  sömuleiðis frelsi frá þeim hugmyndum, hugformum og kenningum sem hindra okkur í þroska og vexti. Hugurinn verður opinn og frjáls. Gott að taka inn við taugaveiklun, skorti á einbeitingu og ofurviðkvæmni fyrir umhverfinu. Slökunar- og Skilningsblómadropablöndurnar teknar saman hafa reynst vel fyrir þá sem greinst hafa ofvirkir. Kemur á jafnvægi í hvirfilstöðinni.

Inniheldur tíðni eftirtalinna plantna:
Gleym-mér-ei (Myosotis arvensis), Klóelftingar (Equisetum arvense), Loðvíðis (Salix lanata) og Tágamuru (Potentilla anserina).

Lífsbjörgin (Life Power) er frábær áfallahjálp og gott að hafa með sér, hvert sem farið er. Ef ójafnvægi kemst á tilfinningar eða huga er gott að setja 3 dropa undir tungu á 15 mín. fresti eða þar til jafnvægi hefur verið náð aftur.  Einnig er hægt að setja 3 dropa í vatnsglas og smá súpa á því.
Auk þess er gott að nota Lífsbjörgina beint á líkamann ef til slysa kemur og skal  þá nudda þá dropunum á slasaða svæðið.