JÓGAKENNARANÁMSKEIÐ 230 tímar

Jóga og blómadropaskóli Kristbjargar – skóli ljóss og friðar

Hefst 2. ágútst - 13. ágúst 2012 í Bláfjöllum - útskrift í nóvember 2012.
 

Námið er tvíþætt:

A)   Ellefu daga grunn námskeið í Bláfjöllum

B)   Kennsluþjálfun og áframhaldandi nám fram í nóvember

Námsefni hluta A:

· grunnþætti Rajajóga
· Grunnþættir Rajajóga, hins konunglega jóga

· Hatha jóga (líkamsstöður, fara inn í þær, halda og koma út úr þeim)
· áhrif af hverri jógastöðu fyrir sig

· Pranayama (öndunaræfingar)

·        Yamas

·        Niyamas

·        Pratyahara (að draga athyglina inn á við),

         Dharana (að beina athyglinni)

·        Dhyana (hugleiðslu)

·        kennslufræði

·        Yoga Niddra, slökun

·        listina að setja saman jógastöður og jógatíma

·        Bakthi jóga og Karma jóga

·        Heilunar hugleiðsla

·        jóga sem sjálfsvinnutæki

·        líkamsfræði/anatomia

·        heilsu, mataræði og lifnaðrhætti

·        upphitunaræfingar

·        þjálfun í að elska sjálfan sig og nemendurna til fulls.

 Hluti B samanstendur af

·        þjálfun í kennslu undir leiðsögn 

·        kennslutækni

·        framhald í kennslufræðum

·        Gnjana jóga

·        hópvinna

·        heimaverkefni   

·        jógaástundun með Kristbjörgu 

Kristbjörg Kristmundsdóttir er upphaflega menntaður Kripalu jógakennari frá Kripalu Center, Massachusetts.  Hún hefur einnig hlotið fjölbreytta þjálfun á Indlandi m.a. í Jnanajóga, Karmajóga, Bhaktíjóga, Asthangajóga, Hathajóga, Rajajóga, Contactjóga og Kundalinihugleiðslu.  Einnig er hún menntaður lithimnufræðingur/iridologist, jurtagræðari/master herbalist og heilbryggðisfræðingur/naturopath frá School of Natural Medecine í Bolder, Colorado.                      Hún starfaði sem lífrænn bóndi í 20 ár, byggði upp Vallanes á Fljótsdalshéraði þar sem hún vann að eflingu lífrænnar ræktunar á austurlandi.

Hún hefur kennt jóga í yfir 20 ár, haldið þó nokkur jógakennaranámskeið og ýmiskonar umbreytandi helgarnámskeið með jóga, dansi, hugleiðslum og blómadropum hér heima sem og erlendis. Jógað sem hún kennir kemur úr grunni alls jóga, úr frum fræðunum þ.s. engin persóna hefur skapað "sitt jóga" úr jóga grunninum. Hún styðst við Yoga Sutrur Patanjalis sem gefur djúpa mynd af frum fræðum jóga vísindanna. Sutrurnar er skráðar í þjöppuð kóðuðu máli sem jóginn lærir að opna með eigin ástundun og í samræmi við þá dýpt og skilning sem hann öðlast á vísindum lögmála lífsins. Jóga ástundun hjálpar einstaklingnum m.a. að skilja lögmál náttúrunnar, hinnar ytri náttúr sem og innri lögmálin og nálgast þau á vísindalegan hátt með jógískri ástundun. Þannig skapar jóginn með sér samræmi og einingu við lögmál lífsorkunnar hið innra. Pranan - lífsorkan eykst jafnt og þétt og þannig opnast upp lyklarnir að leyndardómum vísinda anda og efnis. Jógað sem hún kennir er ekki kennt við eitthvað einstakt af hinni miklu jógísku leið, gæit heitið kærleiks jóga, prönu jóga, kundalini jóga (því allt jóga leiðir að vöknun kúnalíni móður orkunnar og þess vegna gæti allt jóga heitið kúndalini jóga), Lakulish jóga væri líka nafn á jógað eða frum jóga. Hún kýs sjálf að kalla það bara Yoga því jóga þýðir eining við sálina og það sem maður raunverulega er.

Hún framleiðir íslenska blómadropa sem seldir eru á Íslandi, Bandaríkjunum og víðar. Hún kennir blómadropaþerapíu sem er um 3 mánaða nám. Þar læra nemendur um virkni blómadropanna, að blanda dropa fyrir aðra miðað við ástand og þarfir hvers og eins endar þetta nám með viðurkenningarskjali frá Blómadropaskóla Kristbjargar, skóla ljóss og friðar. Hún þjálfar blómadropa-þerapistana síðan áfram á framhaldsnámskeiðum.

Nánari upplýsingar hjá Kristbjörgu á kristbjorg@kristbjorg.is eða í síma 861 1373.

Markmiðið með náminu í Bláfjöllum er að skapa aðstæður fyrir verðandi jógakennara þar sem þeir ná að verða að jóga (eining), lifa það og nota það til umbreytingar á gömlum hindrunum í líkama, tilfinningum og huga. Læra að kenna jóga á þann hátt að það hafi umbreytanid áhrif á nemendur okkar, líkamlega, tilfinningalega og hugrænt. Mikilvægt er að verðandi jógakennarar fái eins ítarlega þjálfun og hægt er til að halda utan um nemendur sína á því ferli umbreytingar sem jóga ástundun er. Þetta nám er ekki aðeins líkamleg nálgun á jógafræðin. Jóga vinnur með alla eðlisþætti okkar, það er inn á við ferli sem skapar okkur tækifæri til að stíga út úr huganum og inn í hjartað okkar. Viskan býr hið innra, allt sem við þörfnumst kemur innanfrá. Jóga sem leiðir nemandann ekki inn á við er ekki jóga, heldur aðeins leikfimi.

Lögð er mikil áhersla á sjálfsvinnu í náminu í gegnum hugleiðslu og jógaástundun.

Námið er rúmlega 230 tímar og miðast við kröfur Yoga Alliance um 200 tíma kennslu fyrir jógakennara réttindi að viðbættum tímum í tilfinningavinnu og sjálfsvinnu sem ég tel mjög mikilvægt að jógakennari hafi farið í gegnum áður en hann fer að vinna með aðra.

Þetta nám er afar skemmtilegt og hefur mikið að gefa nemendunum. Þeir sem fara í gegnum þetta nám eru alsælir, þeir ljóma eins og sólin eftir Bláfjalla veruna og allir dást að fegurðinni sem kemur innanfrá hverjum einstaklingi.

Hægt er að vera með í Bláfjalla partinum til að njóta fyrrihluta námsins, eða rifja upp jógafræðin. Allir sem vilja gefa sér stórkostlega gjöf, líkamlega og andlega munu njóta þess í botn að vera með okkur. Skylda er þó að taka þátt í öllu sem kennaranemarnir fara í gegnum þennan tíma.

Staðfestingargjald er greitt fyrir 15. júni eða við skráningu. Eftir það er það óafturkræft.

Megi ljósið lýsa leiðina þína.